-Nesta nova edición da Feira Medieval, preséntanse moitas novidades. Tal e como explicou o Alcalde na presentación da programación para este ano 2025: “por un lado hai un incremento considerable dos grupos de animación musical que animarán as rúas tanto o sàbado como o domingo”. Tamén hai un aumento considerable do número de fachos e faroliños de papel que se repartirán este ano “Dado que gusta moito ás persoas que suben o sábado pola noite ata San Vicente, e como en edicións anteriores serán repartidos no Campo da Virxe”, destacou o Alcalde. “Aumenta tamén o número de postos do Mercado Medieval, cinco postos mais que na edición anterior, este ano haberá 140, e polo tanto, tense que aumentar o recinto para albergar todos os postos novos, que se colocarán na Praza de San Antonio”.
-En canto ás actuacións, o sábado haberá dous grandes espectáculos na rúa, un é o GRAN DRAGÓN e o outro chámase ERRANTES, e na noite do sábado na Praza Luis de Góngora, haberá unha actuación, o espectáculo LÚA que ven por primeira vez este ano, cunha interpretación musical de Tamara Pérez que descenderá en grúa desde as alturas creando unha atmósfera de maxia coa súa voz e a danza que interpreta, previa á tirada de fogos de artificio.
-O domingo, ademáis de aumentar os grupos musicais que animan as rúas pasando de 4 grupos do ano pasado a 7 grupos neste ano, haberá dous grandes espectáculos, que son O GRAN DRAGÓN, que desfilará dende a praza de España polas rúas da Feira e SUAREN BATAILA, un espectáculo de teatralización, malabares, pirotecnia e lume que actuará na Praza de S. Antonio ás 21:00 horas.
Monforte de Lemos, 16 de abril de 2025. O pasado día 5 de abril o Alcalde ofreceu ás 11:30 horas, unha rolda de prensa aos medios de comunicación, para presentar o Programa oficial de actividades da Feira Medieval 2025.
Programa da XXI Feira Medieval 2025 e principais novidades
1.- Eixos centrais do Programa da XXI Feira Medieval
Sábado 19 ás 12 horas:
-Saúda do Alcalde para declarar aberta a XXI Feira Medieval de 2025 de Monforte acompañado duns pregoeiros que desenvolverán un espectáculo no que informarán aos presentes do que acontecerá a fin de semana na cidade de Monforte .
-Tras o saúda do Alcalde, haberá unha salva de artillería, cunha réplica dunha bombarda do século XIV, para dar inicio oficial á Feira.
A partir dese momento desenvolveranse multitude de actividades en distintas ubicacións do recinto da Feira Medieval
- Actividades centrais da Feira:
- Campamento Medieval da Praza de España.
- Programación infantil que terá lugar no Campamento infantil Medieval xunto ó Convento das Nais Clarisas
- Espectáculo de aves de rapiña e cetrería
- Xustas medievais
- Gran Torneo Medieval
- Espectáculos de lume
- Actividades de rúa
- Espectáculos nocturnos ideados para a Praza Luis de Góngora e para o Campo de San Antonio.
- Resolución dos diferentes concursos convocados polo Concello para esta Feira: Traxes medievais, Decoración de balcóns, e de establecementos comerciais e hostaleiros, ó igual que o ano pasado, celebrarase o domingo ás 7 da tarde na praza de España, por operatividade da Feira.
2.-NOVIDADES DA XXI EDICIÓN DA FEIRA MEDIEVAL EN CANTO A ESPECTÁCULOS:
SÁBADO 19
1. O GRAN DRAGÓN (que aparece frecuentemente na mitoloxía europea e que son frecuentes nas historias e lendas medievais) QUE sairá dende a praza de España polas rúas da Feira, o sábado e o domingo ás 8 da tarde.
2. ERRANTES, que tamén desfilará dende a Praza de España polas rúas da feira con seres saídos da escuridade dos tempos
3. Ás 20:45h haberá un concerto a cargo do grupo de música medieval GRIMORIUM, na praza de España.
4. E na noite do sábado na Praza Luis de Góngora, haberá unha actuación, o espectáculo LÚA que ven por primeira vez este ano, cunha interpretación musical de Tamara Pérez que descenderá en grúa dende as alturas creando unha atmósfera de maxia coa súa voz e a danza que interpreta, previa á tirada de fogos de artificio.
DOMINGO 20
• O domingo, ademáis de aumentar os grupos musicais que animan as rúas pasando de 4 grupos do ano pasado a 7 grupos neste ano, haberá dous grandes espectáculos:
1. O GRAN DRAGÓN, que desfilará dende a praza de España polas rúas da Feira ás 8 da tarde e
2. SUAREN BATAILA, un espectáculo de teatralización, malabares, pirotecnia e lume que actuará na Praza de S. Antonio ás 21:00 horas.
José Tomé resaltou que “por fin, neste ano 2025 alcanzamos a edición número 21, e a pesar de ter solicitada a declaración de Feira de Interese Turístico Galego, non temos noticias da Xunta ata o momento de se foi recoñecida ou non, pero para min o máis importante é que sexa positiva, aínda que tarde algún mes máis.”.
En canto o orzamento para a organización da Feira Medieval, o deste ano é o máis alto da historia, pasando de 41.127,17 euros no ano 2015, en que chegou o Alcalde ó goberno do Concello, a mais de 108.000 euros que se destinan neste ano 2025, concretamente 108.351,99 €, cun incremento de case 67.000 euros dende 2015, é dicir, case un 163% máis.
José Tomé quere lembrar que “hai motivos dabondo para visitar Monforte, así que os días 19 e 20 de abril esperamos que todos os monfortinos se impliquen na celebración da Feira Medieval e tamén esperamos que sexan moitas as persoas que nos visiten dende o resto de Galicia e do resto do Estado, ós que convidamos a compartir con nós este evento que chega ás 21 edicións inenterrumpidas”.
