-Gloria Prada, asistiu, acompañada pola Concelleira de Cultura, Ensino e Xuventude, Marina Doutón Rajo á presentación da edición de 2025 da festa gastroturística “Estase cocendo” organizada pola Asociación Provincial de Empresarios de Hostalería (APEHL) e que conta co apoio do Concello de Monforte.
-A Tenente de Alcalde, que asistiu ao evento en representación do Alcalde, José Tomé, ante a súa imposibilidade de chegar a tempo á cita por motivos de axenda coma Presidente da Deputación de Lugo, quixo agradecer e poñer en valor o traballo que a APEHL está a facer para conseguir que un ano máis, esta iniciativa sexa un éxito.
-Este ano o Estase Cocendo está dedicado ó sector hostaleiro e neste senso, Gloria Prada destacou á hostalería “coma un dos piares básicos do sector terciario, do sector servizos, e tamén é unha peza clave dentro do sector do turismo” e engadiu que é “a alma da nosa terra, un piar fundamental da nosa identidade e un motor que impulsa o noso desenvolvemento.”
Monforte de Lemos, 13 de marzo de 2025. A Tenente de Alcalde do Concello de Monforte, Gloria Prada, acudiu, acompañada pola Concelleira de Cultura, Ensino e Xuventude, Marina Doutón Rajo á presentación da edición de 2025, a número 17, da festa gastroturística “Estase Cocendo” organizada pola Asociación Provincial de Empresarios de Hostalería (APEHL) e que conta co apoio do Concello de Monforte.
A presentación tivo lugar ás 18:30 h no Centro do Viño de Monforte e contou ademais coa presencia do presidente da APEHL, Cheché Real, o Deputado Pablo Rivera Capón en representación da Deputación Provincial de Lugo, Paloma Vázquez como representante da Xunta de Galicia, Ana Bernárdez representando ó IES Rio Cabe, a Directora da CPR Fundación Belarmino Fernández, Rebeca Vázquez, membros da Corporación municipal, e do sector da hostalería.
A Tenente de Alcalde, que asistiu ao evento en representación do Alcalde, José Tomé, do que desculpou a súa ausencia ante a súa imposibilidade de chegar a tempo á cita por motivos de axenda coma Presidente da Deputación de Lugo, quixo agradecer e poñer en valor o traballo que a APEHL está a facer para conseguir que un ano máis, esta iniciativa sexa un éxito, un “intenso traballo que están a facer con esta campaña gastroturística que se traduce nun impulso económico para Monforte e para a Ribeira Sacra”.
Neste senso, a representante municipal reafirmou o compromiso do Equipo de Goberno en seguir apoiando iniciativas coma esta, “que contribúan á dinamización da nosa hostalería na nosa cidade e na comarca, que sexan un reclamo para que a xente se anime a visitar Monforte e a Ribeira Sacra”.
Este ano dende a organización do “Estase cocendo”, homenaxease ó sector da hostalería. Neste senso, Gloria Prada puxo en valor a este sector definíndoo “coma un dos piares básicos do sector terciario, do sector servizos, e tamén é unha peza clave dentro do sector do turismo” e engadiu que é “a alma da nosa terra, un piar fundamental da nosa identidade e un motor que impulsa o noso desenvolvemento.”
Así, Prada, considerou un acerto a homenaxe deste ano porque “os hostaleiros e hostaleiras son os embaixadores da nosa cultura gastronómica, cada prato que elaboran conta unha historia de tradición e sabor. Os hostaleiros son os mellores anfitrións, facendo que cada visitante se sinta como na casa”.
Na súa intervención, a Tenente de Alcalde tamén destacou que “o sector turístico, coa hostalería como protagonista, achega unha parte moi significativa á economía da nosa cidade. A hostalería crea moitos de postos de traballo, e ademais, impulsa outros sectores como a pesca, a agricultura e o transporte, xerando un efecto multiplicador en toda a economía.”
Neste senso, a hostalería tamén xoga un papel crave en ofrecer experiencias turísticas responsables e respectuosas co medio ambiente. Moitos establecementos apostan por produtos locais e de tempada, promovendo a sustentabilidade e o apoio aos produtores de proximidade.
O turismo gastronómico, en auxe, atrae a visitantes que buscan experiencias auténticas e de calidade, contribuíndo a diversificar a oferta turística e a desestacionalizar o turismo.
“En definitiva”, concluíu Gloria Prada, “a hostalería é moito máis que un negocio, creo que é unha paixón, unha forma de vida e un piar fundamental do noso futuro. Por iso, debemos apostar por unha hostalería de calidade, sostible e que siga sendo o mellor escaparate da nosa cultura e a nosa identidade”.
A Tenente de Alcalde rematou a súa intervención convidando a todo o mundo a participar desta campaña gastroturística do Estase Cocendo 2025, e a que durante este mes de marzo, se acheguen aos diferentes establecementos da zona, para degustar o prato protagonista que é o Cocido, un prato tradicional tan representativo dos galegos.
Estas xornadas que exaltan o cocido en Monforte e na Ribeira Sacra, celebraranse as fins de semana do 15 de marzo ó 6 de abril de 2025, ambos incluídos.