Monforte de Lemos, 10 de febreiro de 2025. O Equipo de Goberno do Concello de Monforte aprobou hoxe luns 10 de febreiro, en Xunta de Goberno Local, as bases reguladoras das actividades do Entroido deste ano 2025, polo que que os interesados xa poderán inscribirse nos concursos de Xoves de Compadres, Xoves de Comadres e Martes de Entroido, unha vez que xa foron publicadas ditas bases e os formularios de inscrición na páxina web do Concello.
“Para esta edición de 2025, dende o Equipo de Goberno decidimos incrementar a partida de premios en 4.000 € con respecto ó ano 2024, alcanzando os 25.000€, que é un 19% máis que en 2024 (21.000€) e un 39% máis que en 2023 (+7.000€, 18.000€). O noso obxectivo é animar á xente a que participe nestes concursos e contribúa ó éxito do noso Entroido” salienta o Alcalde, José Tomé Roca.
Trátase da partida económica máis alta destinada polo Executivo de José Tomé para os premios dos diferentes concursos do Entroido. “Incrementamos os importes en todas as categorías, e especialmente os premios ás Carrozas e ás Comparsas, pero tamén para o Xoves de Compadres e de Comadres”, subliña o rexedor monfortino.
Deste xeito, o primeiro dos eventos festivos programados para o Entroido monfortino é o concurso do Xoves de Compadres, que se vai celebrar o 20 de febreiro. Unha semana máis tarde, o27 de febreiro, a cidade do Cabe acollerá outra das citas imprescindibles destas datas: o Xoves de Comadres.
Finalmente, o Desfile de comparsas e disfraces do Martes de Entroido realizarase o 4 de marzo, e ó día seguinte, o mércores 5, terá lugar o Enterro da Sardiña.
O Alcalde anima “a todos os monfortinos e monfortinas a participar nos diferentes concursos de Entroido que convocamos, e tamén animo a participar a xente doutros Concellos, dado que o Martes de Entroido destinamos unha partida de 3.150 euros para comparsas e disfraces de fora de Monforte, un 36% máis que en 2024 (2.300€), e de 17.850 euros para comparsas e disfraces de Monforte, un 19% máis que en 2024 (15.000€)”.
Xoves de Compadres e de Comadres
Tanto para o concurso do Xoves de Compadres como para o de Comadres, a Concellería de Cultura de Monforte ten previstas tres convocatorias. Unha delas para os centros de ensino, outra para parroquias, barrios e rúas do Concello e por último, unha terceira de carácter individual, que concursará na Praza de España.
Os criterios que seguirá o xurado para determinar os gañadores terán en conta a orixinalidade dos materiais empregados e tamén se vai valorar a montaxe, a elaboración e os materiais utilizados, o interese etnográfico e a crítica social. Cómpre destacar que cada un destes criterios terá unha valoración mínima do 10% e a máxima será do 25% do total da puntuación.
Tanto no caso do Xoves de Compadres como no de Comadres, os premios para cada unha das convocatorias son os seguintes, tendo unha partida máxima de 2.000€ tanto para o concurso de Compadres como para o de Comadres:
Individuais:
1º premio: 100 euros
2º premio: 75 euros
Accésit: 50 euros
Colectivos:
1º premio: 150 euros
2º premio: 120 euros
Accésit: 75 euros
Outros premios:
-Premio á etnografía: 150 euros
-Premio á crítica social: 150 euros
As solicitudes para inscribirse no concurso do Xoves de Compadres terán que presentaranse no Rexistro Xeral do Concello ou a través da Sede Electrónica do mesmo, dende o día seguinte á súa publicación na páxina web do Concello. O prazo para facelo rematará o vindeiro 19 de febreiro ata as 14 horas.
No caso do Xoves de Comadres, xa está tamén o prazo aberto e o último día para inscribirse é o 27 de febreiro ata as 14 horas.
Martes de Entroido: Desfile de comparsas e disfraces
O día grande do Entroido en Monforte será o martes 4 de marzo. Xa está aberto o prazo de inscrición no desfile de comparsas e disfraces, e o derradeiro día para poder inscribirse neste concurso, presentando a correspondente documentación no Rexistro do Concello ou a través da Sede Electrónica do mesmo, é o 28 de febreiro ata as 14 horas.
O Concello establece dúas modalidades claramente diferenciadas: unha delas para as comparsas e disfraces de Monforte de Lemos e outra para disfraces e comparsas de fóra do Concello. Neste caso, destínase unha partida máxima de 17.850€ para Comparsas e Disfraces de Monforte, e de 3.150€ para Comparsas e Disfraces de fora de Monforte.
A diferenza estará na contía dos premios, de tal xeito que o primeiro premio para as comparsas de máis de 90 compoñentes pode chegar ós 1.500 euros, 300 euros máis que en 2024, e no caso das que sexan de fóra ascenderá a 600 euros, 150€ máis.
Por outra parte, haberá premios de 300 euros para a mellor comparsa tradicional, para a mellor posta en escena e a mellor música en vivo, mellor humor e mellor crítica de actualidade.
O Desfile de Comparsas e Disfraces comezará o martes 4 de marzo ás 17:00 h na praza da Estación. Percorrerá as rúas Calvo Sotelo, Roberto Baamonde, Cardeal Rodrigo de Castro e finalizará na praza da Compañía.
O xurado cualificará as comparsas na praza da Estación de 16:00 a 17:00 h. Os disfraces individuais concentraranse obrigatoriamente na praza da Estación ás 16:30 h, onde o xurado as identificará. Logo, tanto as comparsas como os disfraces serán cualificados por lugares indeterminados do percorrido.
Os criterios que seguirá o xurado para determinar os gañadores terán en conta a orixinalidade dos materiais empregados e tamén se vai valorar a montaxe, a elaboración e os materiais utilizados, o interese etnográfico e a crítica social. Cómpre destacar que cada un destes criterios terá unha valoración mínima do 10% e a máxima será do 25% do total da puntuación.
A relación completa de premios do Desfile de Comparsas e Disfraces do Martes de Entroido é:
COMPARSAS E DISFRACES DE MONFORTE DE LEMOS:
Comparsas de máis de 90 compoñentes:
1º premio: 1.500 euros
2º premio: 1.000 euros
3º premio: 800 euros
Comparsas entre 51 e 90 compoñentes:
1º premio: 800 euros
2º premio: 550 euros
3º premio: 400 euros
Comparsas entre 25 e 50 compoñentes:
1º premio: 700 euros
2º premio: 500 euros
3º premio: 350 euros
Comparsas entre 4 e 24 compoñentes:
1º premio: 500 euros
2º premio: 400 euros
3º premio: 300 euros
Individual Adultos de 1 a 3 compoñentes:
1º premio: 300 euros
2º premio: 200 euros
3º premio: 150 euros
Premios de 300 euros a:
- Mellor comparsa tradicional
- Mellor posta en escena
- Mellor crítica de actualidade
- Mellor humor
- Mellor música en vivo
Premios ás carrozas:
1º premio: 800 euros
2º premio: 600 euros
3º premio: 450 euros
Accésits:
- Comparsas con máis de 90 compoñentes: 400 euros
- Comparsas de 4 a 24 compoñentes: 200 euros
- Comparsas de 25 a 50 compoñentes: 200 euros
- Comparsas de 51 a 90 compoñentes: 300 euros
- Comparsas infantís: 75 euros
- Individual adulto: 100 euros
- Individual infantil: 75 euros
- Ás carrozas: 100 euros
Individual infantil de 1 a 3 compoñentes:
1º premio: 200 euros
2º premio: 150 euros
3º premio: 100 euros
Comparsas infantís de 4 compoñentes en adiante:
1º premio: 500 euros
2º premio: 400 euros
3º premio: 300 euros
COMPARSAS E DISFRACES DE FÓRA DE MONFORTE DE LEMOS:
Comparsas de 1 a 3 compoñentes:
1º premio: 250 euros
2º premio: 200 euros
3º premio: 150 euros
Comparsas de 4 a 24 compoñentes:
1º premio: 500 euros
2º premio: 400 euros
3º premio: 300 euros
Comparsas de máis de 25 compoñentes:
1º premio: 600 euros
2º premio: 450 euros
3º premio: 300 euros
DESCARGA DE DOCUMENTACIÓN:
Bases_Xoves-de_Compadres_Monforte_2025.pdf
Bases_Xoves-de_Comadres_Monforte_2025.pdf
Bases_Martes-de_Entroido_Monforte_2025.pdf
Solicitude_inscricion_concursos_Entroido_Monforte_2025.pdf
Formulario_Anexo_I_Datos_bancarios_Entroido_Monforte_2025.pdf
Formulario_Anexo_II_Declaracion_negativa_debedas_Entroido_Monforte_2025.pdf