Monforte de Lemos, 21 de agosto de 2024. A Tenente de Alcalde de Monforte, Gloria Prada, participou este mércores no acto de homenaxe do 900 aniversario do nome “Rovoyra Sacrata”, un termo medieval que foi evolucionando co paso dos anos ata dar lugar á actual denominación de “Ribeira Sacra”.
Gloria Prada, acudiu, en representación do Alcalde de Monforte, José Tomé Roca, que por motivos de axenda non puido acudir ó acto, ó Mosteiro de Montederramo (Ourense), nun encontro que estivo organizado polo Consorcio de Turismo da Ribeira Sacra e que reuniu a numerosas autoridades, entidades e institucións relacionadas coa Ribeira Sacra.
