A Mesa de Comercio Local de Monforte celebrará o vindeiro luns día 27 de xaneiro, ás 9:00 h. na Casa do Concello, unha reunión na que someterá a aprobación a solicitude dun grupo de comerciantes da cidade para celebrar unha Feira de Oportunidades.
A Mesa de Comercio Local deberá emitir informe sobre a celebración da citada Feira, evento que se desenvolvería no mes de febreiro en datas aínda por determinar, e que tería lugar no espazo central da Praza de Abastos.
A decisión última de autorizar a celebración da Feira de Oportunidades corresponderá á Dirección Xeral de Comercio da Xunta de Galicia.
Á reunión do luns convocouse ós/ás seguintes membros da Mesa:
-Raquel Arias, Delegada da Xunta de Galicia
-Severino Rodríguez , Alcalde-Presidente do Concello
-Mª José Vega Buján, Concelleira de Promoción Económica
-Mª Pilar Iglesias Osorio, Presidenta da Asociación de Consumidores e Usuarios “En Marcha”
-Mª José Senra Sánchez, Presidenta do CCU de Monforte
-Daniel Delfín Rodríguez (ECONOMAR)
-Adriana Otero Martínez (ECONOMAR)
A Mesa de Comercio é un órgano colexiado de participación, coordinación, cooperación e colaboración entre a administración local e os axentes representativos do sector comercial.
