O alcalde de Monforte entrevistarase o próximo luns, día 25 de febreiro, co conselleiro de Economía e Industria, o monfortino Francisco Conde López.
Severino Rodríguez expoñeralle ó conselleiro o proxecto que se está desenvolvendo na Praza de Abastos de Monforte, e abordará outros asuntos relacionados co comercio local.
Trátase da primeira toma de contacto privada entre o alcalde de Monforte e o conselleiro de Economía e Industria, ocasión que Severino Rodríguez aproveitará para intercambiar con Francisco Conde ideas sobre o comercio e a industria local, así como para coñecer posibles proxectos da consellería que afecten a Monforte.
A entrevista celebrarase ás once da mañá do citado día en Santiago de Compostela.
Archivos Adjuntos:
