O 27 de febreiro celébrase no Concello de Monforte de Lemos o xoves de Comadres, segunda cita do Entroido na nosa cidade.
O Concello de Monforte de Lemos convoca o concurso do xoves de comadres que se realizará dentro do programa de actividades do Entroido monfortino o día 27 de febreiro de 2025.
As solicitudes de inscrición para a participación no concurso presentaranse no Rexistro Xeral do Concello de Monforte sendo o derradeiro día de inscrición o 26 de febreiro ás 14:00 h. Todas aquelas solicitudes presentadas fóra deste prazo serán desestimadas calquera que sexa a causa do seu atraso.
No concurso do xoves de compadres haberá tres convocatorias:
- Centros de ensino - Parroquias, barrios e rúas do Concello - Individuais Praza de España
Tanto nas convocatorias de centros de ensino como nas de parroquias, barrios e rúas do Concello establécense dúas modalidades por número de monecos presentados:
1 –colectivo –máis de dous monecos
2 –individual
Na convocatoria de –centros de ensino e individuais, todos os compadres inscritos concentraranse na Praza de España ás 17:30 h, sendo a lectura dos premios e a queima dos monecos despois da decisión do xurado.
Na convocatoria de –parroquias, barrios e rúas do Concello, os compadres inscritos colocaranse nos lugares elixidos polos participantes dende a primeira hora da mañá. O xurado visitaraos ata as cinco da tarde e lerá o resultado ao mesmo tempo que o da convocatoria de centros de ensino e individuais.
A decisión do xurado farase pública mediante a lectura da acta ao remate da concentración e antes da queima dos monecos.
Haberá un primeiro premio, un segundo premio e un máximo de tres accésits por modalidade. O xurado poderá conceder dous primeiros ou dous segundos premios, sempre que a suma total dos premios concedidos no concurso do xoves de compadres non supere os 2.000 €. O xurado poderá conceder, se así o estima, un premio especial á etnografía e outro á crítica social.
PREMIOS (por convocatoria):
Individuais 1º premio 100 € 2º premio 75 € Accésit 50 €
Colectivos 1º premio 150 € 2º premio 120 € Accésit 75 €
Premio á etnografía 150 € Premio á crítica social 150 €
Arquivos para descarga:
Solicitude de inscrición concursos Entroido