Histórico

O Concello de Monforte quere conseguir a máxima implicación dos cidadáns para celebrar a XVI Feira Medieval, que terá lugar os días 31 de marzo e 1 de abril. Por ese motivo, a Praza de Abastos vai acoller durante a fin de semana do 17 e 18 de marzo, un mercado específico no que adquirir todo tipo de elementos para o evento.

A Xunta de Goberno local vén de darlle luz verde a un requerimento á empresa Aqualia, onde se lle solicita o importe pendente de executar das obrigas de investimento contractuais por un valor de 2.221.980,43 euros, máis o xuro legal dos cartos que proceda.

Onúmero de candidaturas presentadas para participar nalgunha das categorías para elixir ós mellores deportistas, adestradores, árbitros e clubs do ano 2017, ascende a 27. O concurso, que un ano máis organiza o Concello de Monforte, pretende poñer en valor os resultados e o traballo que desenvolven atletas e clubs da cidade do Cabe ó longo do pasado ano.

Polo de agora, 370 persoas están inscritas para participar na carreira popular de Monforte, que se celebrará o vindeiro 29 de abril. O evento deportivo é un dos máis importantes que organiza a administración municipal, debido ó seu marcado carácter popular e que conta cun importante número de participantes.